Alimlər antibiotiklərə mümkün alternativ tapıblar

06:00 19-01-2021 375

ABŞ-ın Milli Sağlamlıq İnstitutunun (NIH) alimləri müəyyən ediblər ki, öd turşularındakı taurin orqanizmə kənardan daxil olan bakteriyaları zərərsizləşdirməyə kömək edir.

Bu kəşfin antibiotiklərə alternativ tapmağa kömək edə biləcəyi qeyd olunur. Tibbi sınaqlar, hələ ki yalnız siçanlar üzərində keçirilib. Taurin suya qatılaraq siçanlara verilib.

Taurin orqanizmdə yağ və piylərin həzm olunmasına kömək edir. Bu maddə bağırsaqdakı öd turşularında olur. Onun yan məhsulu isə hidrogen sulfiddir.

Alimlər müəyyən ediblər ki, taurinin səviyyəsi yüksək olduqda, orqanizm infeksiyanı dəf etmək üçün kifayət qədər hidrogen sulfid istehsal edir.