Yaponiyada rekord miqyasda quş qripi epidemiyası qeydə alınıb
15:20 19-01-2021 358
Bu qış Yaponiyada qeydə alınan quş qripi epidemiyası öz miqyasına görə rekord sayıla bilər.
Bu barədə ölkə hökumətinin Baş katibi Katsunobu Kato məlumat verib.
Onun sözlərinə görə, ilk yoluxma halları 2020-ci ilin noyabr ayında Kaqava prefekturasında qeydə alınıb. Sonradan quş qripi daha 15 prefekturadakı 36 quş fabrikində aşkarlanıb və 6 milyondan çox quş tələf olunub.
Baş katib qeyd edib ki, müəyyən olunmuş xəstəlik halları və məhv edilmiş quşların sayına görə builki göstəricilər ən yüksək sayıla bilər.
