Bu həftə meteor yağışı olacaq - Harada müşahidə edək?
14:18 01-08-2019 818
Bu həftə "Perseid" meteor axını baş verəcək.
Bu barədə Azərbaycan Milli Elmlər Akademiyası (AMEA) məlumat yayıb.
Meteor axını 2-4 avqust tarixlərində başlayacaq və ayın 11, 12 və 13-də öz pik zirvəsinə çatacaq.
Kosmik hadisə səmada bir saat ərzində təxminən 60-70 sayda “düşən ulduz” kimi təzahür edəcək və Şimal yarımkürəsində aydın müşahidə ediləcək. Ötən illərdə isə bu rəqəm 200-ə bərabər olub.
Qeyd edək ki, “Perseid” meteor yağışı hər il yayın sonuna qədər müşahidə olunur.
