Müdafiə xərclərinə nə qədər vəsaitin sərf olunduğu məlum oldu
19:00 10-02-2021 393
2020-ci ildə müdafiə xərclərinə ayrılan vəsait büdcədə nəzərdə tutulan məbləğdən 639,3 milyon manat çox olub.
Bu barədə Azərbaycan Respublikasının 2020-ci il dövlət və icmal büdcəsinin icrasına dair hesabatda məlumat verilib.
Belə ki, ölkənin müdafiə potensialının gücləndirilməsi və silahlı qüvvələrin maddi-texniki təminatının daha da yaxşılaşdırılması məqsədilə 2020-ci ilin dövlət büdcəsində təsdiq edilmiş 3 milyard 787,5 milyon manat müdafiə xərclərinə qarşı 4 milyard 426,8 milyon manat vəsait ayrılıb.
Qeyd edilib ki, bu da 2019-cu illə müqayisədə 1 milyard 72,6 milyon manat və ya 36,1 faiz çoxdur.
