Corc Mayklın yaşadığı dəbdəbəli malikanə satışa çıxarıldı - FOTO
Dünya pop musiqisinin əfsanəsi, müğənni Corc Mayklın yaşadığı dəbdəbəli malikanə satışa çıxarılıb.
HerGun.Az "Hello Magazin"-ə istinadən xəbər verir ki, sənətçiyə məxsus olan Kaliforniyadaki lüks villa 5.9 milyon dollar qiymət qoyulub.
Təbiətin gözəl guşələrindən olan Santa-Barbara təpələrində yerləşən malikanənin ərazisi 20 min kvadratmetrdən çox ərazini tutur. İki mərtəbəli evin sahəsi 450 kvadratmetrdir. Villanın 5 geniş yataq, 6 vanna və mətbəx daxil böyük qonaq otağı var.
Cah-cəllallı malikanədə geniş hovuz, tennis kortu, sauna və 25 avtomobil üçün dayanacaq da mövcuddur.
Qeyd edək ki, dünyaşöhrətli britaniyalı müğənni Corc Maykl 2016-cı il dekabrın 26-da, 53 yaşında dünyasını dəyişib. Polislər pop ulduzun ölümündə heç bir şübhəli hal aşkar etməyiblər.
Rəşad Əliyev