İlham Əliyev:“Ermənistan hökuməti istəmirdi ki, əcnəbilər Dağlıq Qarabağın ətrafında olan rayonlara getsinlər”
Prezident İlham Əliyev ADA Universitetində keçirilən “Cənubi Qafqaza yeni baxış: münaqişədən sonra inkişaf və əməkdaşlıq” adlı konfransda Ermənistanın işğal müddətində Azərbaycanın torpaqlarında dəhşətli dağıntılar törətdiyini bildirib.
HerGun.Az xəbər verir ki, Prezident İlham Əliyev Ermənistanın Azərbaycanın şəhər və kəndlərini dağıtmasına dair çoxlu videogörüntülərin olduğunu diqqətə çatdırıb və işğal müddətində əcnəbilərin qeyri-qanuni yollarla Dağlıq Qarabağa getdiyini xatırladıb.
“Amma onlar Dağlıq Qarabağın ətrafında olan rayonlara getməkdən məhrum edilirdilər. Ermənistan hökuməti istəmirdi ki, əcnəbilər oralarda olan dağıntıları görsünlər. Çünki bu dağıntılar Birinci Qarabağ Müharibəsi dayandırıldıqdan sonra törədilmişdi”, - deyə İlham Əliyev əlavə edib.
Aqşin Kərimov
