Bakı küçəsində “Prado” “Lada” ilə toqquşdu: yaralılar var
23:27 09-08-2019 434
Bərdə rayonunda 3 nəfərin yaralanması ilə nəticələnən yol-nəqliyyat hadisəsi baş verib.
HerGun.Az-ın Qarabağ üzrə bölgə müxbirinin verdiyi məlumata görə, hadisə rayonun Bakı küçəsində qeydə alınıb.
Hərəkətdə olan “Prado” markalı, 90-DN-464 dövlət nömrə nişanlı avtomobil qarşıdan gələn Rusiya qeydiyyatında olan “Lada” markalı avtomobillə toqquşub.
Nəticədə “LADA”da olan sərnişinlər Salahov Rafael Nadir oğlu, Bənövşə Abbasova və Günay Quliyeva müxtəlif bədən xəsarəti ilə Bərdə Mərkəzi Rayon Xəstəxanasına yerləşdiriliblər.
Faktla bağlı araşdırma aparılır.
