Daha bir Avropa ölkəsində maska taxma qaydası ləğv edilir
03:20 19-06-2021 341
İspaniyada koronavirus tədbirləri çərçivəsində tətbiq olunun maska taxma qaydası ləğv edilir.
“RİA Novosti” məlumat verir ki, bu barədə ölkənin baş naziri Pedro Sançez açıqlama verib.
Onun sözlərinə görə, iyunun 26-dan etibarən ölkədə açıq havada maska taxma qaydası ləğv ediləcək.
“Bu, açıq havada ilk maskalı həftə sonu olacaq”, - deyə ispaniyalı nazir vurğulayıb.
Xatırladaq ki, İspaniyada ötən ilin mart ayından açıq havada maska taxma qaydası tətbiq olunur. Ölkədə indiyə qədər koronavirusa 3 753 228 yoluxma, 80 634 ölüm qeydə alınıb.
