İngiltərədə peyvənd əleyhdarları Baş nazirinin iqamətgahına yürüş edib - VİDEO

04:00 25-07-2021 348

İngiltərənin paytaxtı Londonda peyvənd əleyhdarları və koronavirus məhdudiyyətlərinə qarşı çıxan şəhər sakinləri kütləvi etiraz aksiyasına toplaşıblar.

TASS agentliyi xəbər verir ki, mitinq iştirakçıları Britaniya Baş nazirinin iqamətgahının yerləşdiyi Dauninq-strit küçəsinə doğru yürüş ediblər.

Hüquq-mühafizə orqanları küçəni mühasirəyə alıb, nümayişçilərin iqamətgaha yaxınlaşmasına imkan verməyiblər.

Etirazçılar COVID-19-la əlaqədar tətbiq edilən məhdudiyyətlərin tam aradan qaldırılması tələbi ilə müxtəlif şüarlar səsləndiriblər.