Skeytbordinq üzrə ilk Olimpiya çempionu yaponiyalı idmançı oldu
15:00 25-07-2021 398
Yaponiyalı Yuto Horiqome Olimpiya Oyunları tarixində bir ilkə imza atıb.
TASS xəbər verir ki, o, turnirin tarixi ərzində skeytbordinq üzrə ilk Olimpiya çempionu adını qazanıb.
Horiqome skeytbordinqin “Street” (küçə) yarışlarında qalib gəlib. Bu növdə gümüş medala braziliyalı Kelvin Hofer, bürüncə isə amerikalı Caqqer İtan yiyələnib.
Mükafatçılara medalları şüvüllə tullanma üzrə ikiqat Olimpiya çempionu, rusiyalı Yelena İsinbayeva təqdim edib.
