Komada bir ay qalan məşhur ifaçı: “İki gün yatdığımı düşünmüşdüm” – FOTO
21:00 09-08-2021 587
Ağciyərlərinin 40 faiz zədələnməsi ilə həftələrdir komada olan Rusiyalı ifaçı MakSim ayıldıqdan sonra ilk dəfə Instagram hesabından pərəstişkarlarına müraciət edib.
Müğənni onun üçün narahat olan, dua edən və dəstək göstərən hər kəsə öz minnətdarlığını bildirib.
“Bu məni o dünyadan qaytardı”, - deyə ifaçı əlavə edib.
MakSim həmçinin reanimasiyadan palataya köçürüldüyünü bildirib.
“Həkimlər məndən nə qədər komada olduğumu düşündüyümü soruşdular, iki gün dedim. Bir ay keçdiyinə inana bilmirəm. Əvvəlki kimi zəifəm, yerimək istəyərkən güclü başgicəllənməsi olur”, - deyə müğənni səhhəti barədə məlumat verib.
İfaçının sözlərinə görə, hazırda həkimlər ona təyyarə ilə uçmağı və çıxış etməyi yasaqlayıblar.
