“Niva”larda təhlükə aşkarlandı: alışma verə bilər
14:36 16-08-2019 544
Almaniyada 1500 ədəd “Lada 4x4” avtomobili geri çağırılıb.
Motor.ru xəbər verir ki, söhbət 2017 və 2018-ci illərdə bu ölkədə satılmış maşınlardan gedir.
Sözügedən avtomobillərin geri çağırılmasına səbəb isə onların istehsalı zamanı yol verilmiş səhv olub. Məlum olub ki, yolsuzluq avtomobillərində generatorun kabeli düzgün yerləşdirilməyib. Bu da, öz növbəsində, alışma yarada bilər.
Qeyd edilir ki, geri çağırılan “Niva” sahiblərinin maşınları ödənişsiz təmir ediləcək.
