Məktəblini maşın vurdu
22:36 11-09-2019 455
Qaxda nənəsigilə qonaq gələn məktəblini avtomobil vurub.
HerGun.Az-ın bölgə müxbiri xəbər verir ki, hadisə axşam saatlarında rayonun Tasmalı kəndində baş verib.
Qax şəhər sakini 1994-cü il təvəllüdlü Yunis Miraləm oğlu Şəkiliyev idarə etdiyi "QAZ 24" markalı avtomobillə kəndə nənəsigilə qonaq gəlmiş 2008-ci il təvəllüdlü Ləman Nurlan qızı Mirəyevanı vurub.
Yaralı Qax rayon Mərkəzi Xəstəxanasına çatdırılıb.
Xəstəxanadan verilən məlumata görə, yaralıya kəllə-beyin travması diaqnozu qoyulub, onun vəziyyəti orta ağır kimi qiymətləndirilir.
Faktla bağlı araşdırma aparılır.
