Bakıda yeniyetmələr arasında bıçaqlaşma

13:18 14-09-2019 549

Dünən Bakının Xəzər rayonunda 15 yaşlı yeniyetmə bıçaqlanıb.

Bu barədə HerGun.Az-a Xəzər rayon Polis İdarəsindən məlumat verilib.

Məlum olub ki, saat 17:00 radələrində Binə Atçılıq massivində 2004-cü il təvəllüdlü H.T. qarın nahiyəsindən bıçaq xəsarətləri alıb.

Onu 5 nömrəli şəhər kliniki xəstəxanasına çatdırıblar.

Xəzər rayonu Polis İdrəsinin 2-ci Polis Bölməsinin əməliyyatçılarının əməliyyat-axtarış tədbirləri nəticəsində cinayəti törətməkdə şübhəli bilinən şəxs saxlanılıb.

Cinayəti törədən şəxs 2003-cü il təvəllüdlü B.V.-dır.

Hazırda faktla bağlı araşdırma aparılır.

Ramella İbrahimxəlilova