Rusiyda xüsusi təyinatlı manikyur ustası oldu – FOTO
09:00 18-09-2019 722
Rusiyanın Krasnodar şəhərində keçmiş xüsusi təyinatlı Dmitri Bratçikov manikyur ustası olub.
O “KP.ru”ya sənətinin radikal şəkildə dəyişməsi haqda danışıb.
Xüsusi təyinatlı dəstənin sabiq komandiri, kapitan Bratçikov 2010-cu ildə ordudan getmək fikrinə gəlib və marketinqlə məşğul olmaq istəyib. Lakin o sonda özünü digər sənətdə tapıb:
“Mən qürurumu qırmaq istədim və özümü qadın işində sınadım. Demək istərdim ki, manikyur sənəti çox çətin işdir. Saatlarla oturub dırnaqlar üzərində şəkil çəkmək gücünü səfərbər etməyə məcbur edir”, - deyə keçmiş hərbiçi bildirib.
Təlim kurslarında Dmitri yeganə kişi olub. Salon işləyən zaman tezə-tezə müştərilər ondan çəkinirdi, amma hazırda onların sayı-hesabı yoxdur.
