PSJ Neymarın “Barselona”ya keçidinə razı olmadı
08:54 27-06-2019 635
Fransanın “Pari Sen-Jermen” (PSJ) futbol komandası braziliyalı Neymarın İspaniyanın “Barselona” klubuna transferinə razılıq verməyib.
Bu barədə “Gazeta.ru” “Le Parisien” nəşrinə istinadla xəbər verir.
Mənbənin verdiyi məlumata əsasən, PSJ Kataloniya komandası ilə danışıqlar aparmaqdan imtina edib. Lakin 27 yaşlı futbolçunun özü iyulun 7-də Fransa klubunu tərk edəcəyini elan etmək fikrindədir.
Qeyd edək ki, Neymar PSJ-yə 2017-ci ilin yayında rekord qiymətə - 222 milyon avroya “Barselona”dan keçib. Onun Fransa komandası ilə müqaviləsinin müddəti 2022-ci ilin yayında bitir. Neymar PSJ-nin tərkibində bütün turnirlərdə keçirdiyi 58 oyun zamanı 51 qol vurub və 29 məhsuldar ötürmə edib.
