Bu il “Azərişığ”a “ASAN xidmət” vasitəsilə 3359 müraciət daxil olub
14:54 04-10-2019 419
Bu ilin doqquz ayı ərzində “Azərişıq” ASC-yə “ASAN xidmət” vasitəsilə 3359 müraciət daxil olub.
HerGun.Az xəbər verir ki, bu barədə “Azərişıq” ASC-nin “ASAN xidmət”lə İş və Elektron İdarəetmə departamentinin direktoru Elsəvər Rüstəmli bu gün keçirilən mətbuat konfransında çıxışı zamanı deyib.
2019-cu ilin doqquz ayı ərzində “Azərişıq” ASC-yə “ASAN xidmət”, “ASAN Kommunal” və elektron qaydada 3359 sahibkar müraciət edib. Bu rəqəm ötən ilin müvafiq dövrü ilə müqayisədə üç dəfə daha çoxdur.
“Eyni zamanda, onu da qeyd edim ki, 2018-ci ilin doqquz ayı ərzində 1010 sahibkar müraciəti daxil olub. Sahibkarların müraciətlərinin sayında sürətli artımın müşahidə olunması, heç şübhəsiz ki, aparılan islahatlarla bağlıdır”.
Könül Cəfərli
