Anasının səsini eşidən Aysun göz yaşlarına hakim ola bilmədi - “Maşın”da kövrək anlar
02:00 07-10-2019 500
“Maşın” şounun “Maskarad” adlı sürətində qalmaqallı və səs-küylü hadisələr son verilişdə anlarla yadda qalıb.
HerGun.Az xəbər verir ki, avtomobil uğrunda mübarizə aparan 11 məşhurdan biri müğənni Aysun İsmayılova kövrək anlar yaşayıb.
Aysunun Moskvada yaşayıb orada muğənnilik fəaliyyətini davam etdirən anası Rəqsanə İsmayılova studiyaya zəng edərək, qızına dəstək olub. Anasının səsini eşidən Aysun göz yaşlarına hakim ola bilməyib.
“Murad Dadaşova təşəkkür edirəm ki, qızımı maşına laiq görüb və iştirakçı qismində onu şouya dəvət edib. Mən özümdə bu realiti-şouda iki dəfə iştirak etmişəm. Onun üçün də ordakı qayda-qanunlara bələdəm. Bir-birinizlə dava etməyin. Çünki şou bitəndən sonra bir-birinizlə üz-üzə gələcəksiz. Çalışın dostluq münasibətlərini pozmayasınız. Qızım Aysundan muğayat olun. Aysun ağlama, möhkəm olmalısan. Çünki sən Rəqsanə İsmayılovanın qızısan”, - deyə, müğənni bildirib.
Qeyd edək ki, ATV-də “Maşın” realiti-şouda sona qalan 11 məşhurun avtomobil uğrunda apardığı mübarizə davam edir.
Rəşad Əliyev
