Dünya ulduzundan koronavirusla bağlı mahnımıza reaksiya - VİDEO

13:00 10-04-2020 551

ABŞ-ın əfsanəvi müğənnisi Qloriya Qeynor azərbaycanlı məşhurların “I Will Survive” mahnısını fərqli formatda ifa etməsinə münasibət bildirib.

Qafqazinfo xəbər verir ki, ulduz ifaçı Azərbaycanın ABŞ-dakı səfiri Elin Süleymanovun ifa barədə paylaşımına reaksiya verib.

Qloriya sözügedən paylaşıma rəy bildirərək, “Bu ki möhtəşəmdir”, - deyə qeyd edib.

Xatırladaq ki, sözügedən layihəni Trend İnformasiya Agentliyi ərsəyə gətirib. Xalq artisti Tünzalə Ağayeva, Əməkdar artist Lalə Məmmədova, Zamiq Hüseynov, Xəyyam Nisanov və Murad Arif “I Will Survive” mahnısının sözlərini dəyişərək, üç dildə ifa edib, hər kəsi evdə qalmağa səsləyib.