Koronavirus ayaqqabı ilə evə daxil ola bilər?

16:00 10-04-2020 384

Koronavirus ayaqqabının altında evə daxil ola bilər. Buna görə də, evə girən kimi dərhal ayaqqabıları çıxarmaq lazımdır.

Bu barədə “Channel 4” telekanalında danışılıb.

Verilişin qonaqları - təcili tibbi yardım həkimi Cavid Abdelmoneim və virusoloq Liza Kross pandemiya dövründə insanlara evdən çıxarkən geyinməyə yalnız bir cüt ayaqqabı seçmələrini tövsiyə ediblər.

Onlar, eyni zamanda, ayaqqabını hər zaman dəhlizdə eyni yerdə, yaşayış sahəsindən kənarda çıxarmağı məsləhət görüblər.

“Bəzi ayaqqabıların rezin altlığı virusun onun üzərində beş günə qədər yaşamasına şərait yaradır”, - deyən mütəxəssislər çöldə geyinilən üst geyimlərinin evə gələndə yuyulması lazım olduğunu da qeyd ediblər. Onlar bunu virusun parça səthində 24 saata qədər yaşaması ilə izah edirlər.