Şirvanda xəstəxananın yanında vurulan piyada həmin tibb ocağına yerləşdirildi
02:45 11-10-2019 391
Şirvanda piyadanın vurulması ilə nəticələnən yol-nəqliyyat hadisəsi baş verib.
HerGun.Az-ın bölgə müxbirinin məlumatına görə, hadisə bu gün axşam saatlarında şəhərin Mərkəzi xəstəxanasının yaxınlığında qeydə alınıb.
Şahidlərin dediyinə görə, “Mersedes” markalı avtomobil hərəkətdə olan zaman yolu keçmək istəyən 50-55 yaşlı kişini vurub.
Yaralı Şirvan Şəhər Mərkəzi Xəstəxanasına yerləşdirilib. Hazırda yaralının şəxsiyyəti dəqiqləşdirilir.
Faktla bağlı araşdırma aparılır.
