Saatlıda iki avtomobil toqquşdu: bir ölü, iki yaralı
01:40 10-11-2019 418
Saatlıda bir nəfərin ölümü, iki nəfərin xəsarət alması ilə nəticələnən yol qəzası baş verib.
HerGun.Az-ın bölgə müxbirinin məlumatına görə, hadisə bu gün axşam saatlarında rayonun Musalı kəndi ərazisində qeydə alınıb.
İki minik avtomobilin toqquşması nəticəsində rayon sakini Natiq Əliyev hadisə yerində ölüb.
Rayonun Musalı kənd sakinləri, 1971-ci il təvəllüdlü Əliyev Hafiz Əlmuxtar oğlu və 1998-ciil təvəllüdlü Əlili Vüsal müxtəlif dərəcəli xəsarətlər alıb.
Yaralılar Saatlı Rayon Mərkəzi Xəstəxanasına yerləşdirilib.
Faktla bağlı araşdırma aparılır.
