İcbari tibbi sığorta ilə bağlı qanuna dəyişiklik edilə bilər
İcbari tibbi sığorta tətbiq edildikdən sonra bununla bağlı qanunvericilik bazasının təkmilləşdirilməsinə ehtiyac yarana bilər.
HerGun.Az xəbər verir ki, bu sözləri Milli Məclisinin Səhiyyə Komitəsinin sədri Əhliman Əmiraslanov jurnalistlərə açıqlamasında bildirib.
Onun sözlərinə görə, yaxın gələcəkdə İcbari Tibbi Sığorta fəaliyyətə başladıqdan sonra qanunvericiliklə müvafiq dəyişikliklərə ehtiyac yarana bilər:
“Gələcəkdə tibbi sığorta haqqında qanunda əlavə dəyişikliklərin edilməsi istisna deyil. Çünkü icbari tibbi sığorta tətbiq edildikdən sonra bununla bağlı qanunvericilik bazasının təkmilləşdirilməsinə ehtiyac yarana bilər.
İcbari Tibbi Sığorta tətbiq edildikdə bir sıra çatışmazlıqlar meydana çıxa bilər. Bu, normal bir haldır. 2020-ci ildə ölkə üzrə Tibbi Sığortanın tətbiqinə başlanıldıqdan sonra əlavə ehtiyaclar yarana bilər. Bu səbəbdən də 1999-cu ildə qəbul edilən Tibbi Sığorta haqqında qanuna 2018-ci ilin dekabr ayında müəyyən dəyişikliklər edilsə də, gələcəkdə bu qanunda bir sıra məqamlara yenidən dəyişiklik etmək zərurəti yarana bilər”.
Könül Cəfərli
