“Neftçi”yə məğlub olan komandanın baş məşqçisi: “Ən yaxşı oyunumuzu göstərdik”
22:40 27-08-2020 411
UEFA Avropa Liqasının I təsnifat mərhələsinin “Neftçi” – “Şkupi” (2:1) oyunundan sonra mətbuat konfransı keçirilib.
HerGun.Az Şimali Makedoniyanın “Şkupi” klubunun baş məşqçisi Vlatko Kolevin mətbuat konfransında səsləndirdiyi fikirləri təqdim edir:
“Fikrimcə, son yeddi oyunda ən yaxşı oyunumuzu göstərdik. İlk hissədə biz “Neftçi”dən daha üstün idik. Biz imkanlardan yararlana bilmədik. Qırmızı vərəqə bizi geri saldı.
İkinci hissədə “Neftçi” bizdən yaxşı oynadı və bizi iki dəfə cəzalandırdı. İlk qolda səhvə yol verdik. “Neftçi” orta xətdə çox yaxşıdır. Həmin hissədə top itirməməyə çalışırdıq. Amma qolda ani səhv etdik. “Neftçi” kimi komandalar belə səhvləri bağışlamır”.
Səbuhi Musayev
