Ermənistan ordusunda ağır cinayətlərin sayı artıb - Rəsmi hesabat

11:00 14-02-2019 35

Ermənistan ordusunda ağır cinayətlərin sayı 8,1 faiz artıb.

Newsarmenia.am saytının məlumatına görə, bunu Ermənistanın hərbi prokuroru Vaqe Arutyunyan Ermənistan Hərbi Prokurorluğunun 2018-ci il ərzində fəaliyyətinin yekunlarına həsr olunmuş müşavirəsində deyib. 

Onun sözlərinə görə, ötən il Ermənistan ordusunda 3525 hadisə qeydə alınıb ki, bunlardan 1140-ı cinayət hadisələridir. Hərbi prokuror bildirib ki, 2018-ci il ərzində orduda 43 xüsusilə ağır cinayət hadisəsi qeydə alınıb.

V.Arutyunyan əlavə edib ki, baş verən hadisələrdə 1173 hərbçi müxtəlif dərəcəli bədən xəsarəti alıb.

O, 2018-ci ildə orduda korrupsiya hallarının artdığını deyib.

“2018-ci ildə orduda 182 korrupsiya halı aşkar edilib ki, bu da 2017-ci il ilə müqayisədə, 66 faiz çoxdur. 173 halla bağlı cinayət işi başlanılıb. 86 nəfər barəsində başlamış 43 cinayət işi məhkəməyə göndərilib”, - hərbi prokuror qeyd edib. 

ANDROID əməliyyat sistemli smartfonlar

iOS əməliyyat sistemli smartfonlar