Ərdoğanla Ruhani arasında telefon danışığı olub
09:45 12-08-2019 544
İran Prezidenti Həsən Ruhani ilə türkiyəli həmkarı Rəcəb Tayyib Ərdoğan arasında telefon danışığı olub.
IRNA xəbər verir ki, söhbət zamanı prezidentlər iki ölkə arasında əlaqələrin daha inkişaf etdirilməsinə hazır olduqlarını vurğulayıblar.
H.Ruhani bildirib ki, İran Türkiyə ilə əlaqələri daha da inkişaf etdirməyə tam hazırdır.
O, həmçinin İran və Türkiyə arasında birgə layihələrin daha sürətlə həyata keçirilməsinə çağırıb.
Türkiyə Prezidenti də Ankaranın Tehranla ikitərəfli əlaqələrin genişləndirilməsinə hazır olduğunu vurğulayıb.
