Yeni Zelandiya terrorçusunun Türkiyəyə giriş anı ortaya çıxdı-əlaqələri araşdırılır.

09:54 16-03-2019 14

Yeni Zellandiyada iki məsciddə qətliam törədən terrorçu Brenton Tarrantın keçmişdə bir müddət Türkiyədə yaşadığı məlum olub.

Hergun.az  xəbər verir ki, Yeni Zelandiyadakı terror hücumunu həyata keçirən Brenton Tarrantın, 2016-ci il tarixində Türkiyədə olduğu müəyyənləşdirilib. Brenton Tarrantın Türkiyədəki əlaqələri araşdırılır.

Həmçinin Bolqarıstan Respublika Baş Prokuroru, Brenton Tarrantın ötən il Noyabrın 9-15-də Bolqarıstana gedərək maşın icarəyə götürdüyünü və bəzi tarixi yerlərini gəzdiyini açıqladı.

Digər tərəfdən, təcavüzkarın ötən Oktyabr ayında Pakistana səyahət etdiyi ortaya çıxdı. BBC-yə danışan Pakistanlı bir otel sahibi Brenton Tarrantın Pakistanın Kəşmir bölgəsindəki Gilgit-Baltistanda yer alan oteldə 2 gecə qaldığını təsdiqləyib. 

Xatırladaq ki, ötən gün cümə namazı vaxtı Yeni Zelandiyanın Kraystçerç şəhərinin Hagley Park qəsəbəsində yerləşən Əl-Nur və Linvud məscidlərinə silahlı hücum edilib. Son məlumata əsasən, terror aktı nəticəsində azı 49 nəfər həlak olub, 48 nəfər isə yaralanıb.

Yeni Zelandiyanın Baş naziri Casinda Ardern hadisəni ölkə tarixinin ən qara günlərindən biri adlandırıb.

 Tədbirdə iştirak edən Daxili İşlər Naziri Mladen Marinov da Brenton Tarrantın Bolqarıstanda olduğu bütün nöqtələrin, ölkədəki təmaslarının və istifadə etdiyi sim kartların məlumatlarının araşdırıldığını ifadə etdi.