Avtomobil yarışları çempionu təyyarə qəzasında sağ qaldı - VİDEO
Amerikalı yarış avtomobili sürücüsü Deyl Ernhardt ailəsi ilə birlikdə təyyarə qəzasına düşüb və sağ qalıb.
ABC xəbər verir ki, hadisə Tennesi ştatında, Elizabetton şəhərinin aerodromunda qeydə alınıb.
“Cessna Citation” təyyarəsi aerodroma eniş zamanı enmə-uçuş xəttindən çıxıb və alışıb.
Hadisə zamanı NASCAR avtomobil yarışları üzrə ikiqat çempion Deyl Ernhardt (kiçik), onun bacısı, həyat yoldaşı və 1 yaşlı qızı Ayla da hadisə zamanı təyyarədə olublar. Xoşbəxtlikdən onlar hamısı sağ qalıblar.
NEW: Video shows thick, black smoke rising from the site of a small plane crash that was carrying Dale Earnhardt, Jr. and his family. Everyone on board, including Earnhardt, escaped the wreck, said the local sheriff. https://t.co/2nqljR6C5C pic.twitter.com/noizctpZVk
— ABC News (@ABC) 15 августа 2019 г.
NASCAR avtomobil yarışları üzrə ikiqat çempion Deyl Ernhardt karyerasını 2017-ci il mövsümündən sonra başa vurub. Onun atası Deyl Ernhardt isə NASCAR yarışlarının yeddi qat çempionu olub və 2001-ci ilin yarışlarında həlak olub.
