Ramiz Rzayev problemli kreditlərlə bağlı proseslərdən danışdı: Hamısı dayandırılıb

11:45 17-04-2019 37

10 min dollar və 17 min manata qədər olan problemli kreditlərin məhkəməsi dayandırılıb.

HerGun.Az xəbər verir ki, bu sözləri Ali Məhkəmənin sədri Ramiz Rzayev deyib.

Bildirib ki, prezidentin sərəncamına uyğun olaraq, respublika üzrə problemli kreditlərlə bağlı məhkəmə prosesləri dayanıb:

“Bu istiqamətdə Maliyyə Bazarına Nəzarət Palatası ilə birgə dəqiq araşdırmalarımız davam edir. Hüquqi cəhətdən bütün normalara riayət edilməsinə nəzarət olunur”.

Ali Məhkəmənin Mülki Kollegiyasının sədri Əsəd Mirzəyev isə bildirib ki, Fərman dərc olunan gündən Bank nümayəndələri ilə dəfələrlə görüş keçirilib:

“Cənab prezidentinin imzaladığı fərman 10 min dollar və 17 min manata qədər borcu olan vətəndaşa şamil olunacaq. Amma bir vətəndaşın bir yox, bütün banklarda toplanan borclarının ümumi dəyəri nəzərdə tutulur. Bu isə geniş prosesdir.

Araşdırma dəqiq aparılmalıdır və buna görə də proseslər dayandırılıb. Ali Məhkəmə olaraq biz kənarda dayanmamışıq, əksinə hüquqi cəhətdən istiqamətlərimizi vermişik”.

Könül