Heydər Əliyev prospektində qəza - FOTO

04:36 11-09-2019 358

Bakının Nərimanov rayonunda 2 avtomobil toqquşub.

HerGun.Az xəbər verir ki, Nuri Samir İlyas oğlu idarə etdiyi "99 KA 222" dövlət nömrə nişanlı "Hundai" markalı minik avtomobillə Heydər Əliyev prospektində hərəkətdə olarkən anidən idarəetməni itirib, beton arakəsməyə çırpılıb və aşaraq yan yola keçib.

Burada "Hundai", Məmmədov Zaur Rasim oğlunun idarə etdiyi "Volkswagen Passat" markalı avtomaşına çırpılıb.

Qəza zamanı xəsarət alan olmayıb, avtomobillər deformasiyaya uğrayıb.

Hadisə yerinə Nərimanov Rayon Polis İdarəsinin və DYP əməkdaşları cəlb olunub.

İlkin məlumata görə, hadisə "Hundai" markalı avtomobilin yolda yüksək sürətlə hərəkətdə olması səbəbindən baş verib.

Faktla bağlı araşdırma aparılır.

Kamil Əmirli, Elşad Mətləboğlu