Arda Turana hökm oxundu: 2 il 8 ay

14:18 11-09-2019 524

Türkiyənin məşhur futbolçusu Arda Turanla müğənni Berkay arasında yaşanan münaqişə ilə bağlı məhkəmə qərar çıxardıb.

HerGun.Az Türkiyə mətbuatına istinadən xəbər verir ki, məhkəmə Arda Turanı qanunsuz silah saxlama, istifadə və qəsdən sağlamlığa xəsarət yetirmə ittihamı üzrə təqsirli bilərək, 2 il 8 ay 15 gün müddətinə həbs olunması ilə bağlı qərar verib.

Arda Turan ona qarşı irəli sürülən təcavüz ittihamından isə bəraət alın.

Müğənni Berkay Şahin, Arda Turan verilən cəza ilə bağlı fikirlərini bölüşüb:

“Səhv bir şey desəm, vəkilim bunları qeydə alacaq. Hökm elan olundu. Düşünürəm ki, üç cinayət faktı var. Qərardan şikayət edəcəyik, cinsi təcavüz ittihamı ilə bağlı istədiyimiz cəzanı ala bilmədik.

Ona çıxarılan 3 illik cəza mənim üçün kifayət deyil. Hökmdən razı qalmadığım üçün, şikayət edəcəyəm. O, cinayətkar olsa da, bu mənim üçün heç bir məna daşımır.

Vəkillərimizlə birlikdə ali məhkəməyə gedib, şikayət edəcəyik”.

Qeyd edək ki, ötən il iki məşhur arasında məkanların birində münaqişə yaşanıb. Hadisə nəticəsində Berkay xəsarət alaraq, burnu sınıb. Arda müğənni ilə dalaşdığını bildirsə də, davanın səbəbi haqda açıqlama verməkdən boyun qaçırmışdı. Bununla belə B.Şahinin arvadı Özləm Ada Şahin Arda Turanın ona əxlaqsız təkliflər etdiyini bildirmişdi.

Rəşad Əliyev