İtaliyada koronavirusdan sağalanların plazmalarını Rusiyaya göndərmək təklif edildi

05:40 07-05-2020 22

Rusiyanın İtaliyalı Dostlar İctimai Birliyinin rəhbərliyi İtaliyanın Baş naziri Cüzeppe Konteyə açıq məktubla müraciət edib.

“RİA Novosti” bu barədə birliyin prezidenti Lorenzo Valloreyaya istinadla xəbər yayır.

L.Valloreya nazirə müraciət edərək koronavirusdan sağalan italiyalıların plazmalarının Rusiyaya göndərilməsini təklif edib.

Məktubda qeyd edilir ki, Rusiya İtaliyada koronavirusun geniş yayılması ilə bağlı fövqəladə vəziyyət zaman Apenninə böyük miqdarda tibbi yardım göndərib. İndi ölkədə vəziyyət yaxşılaşıb və İtaliya hökuməti “İkinci mərhələ”nin başlandığını elan edib. Buna görə də Rusiyaya kömək əli uzatmağın vaxtı çatıb.