“Yuventus” Ronaldusuz ilk oyununda A Seriyasının debütantına uduzdu - VİDEO
02:00 29-08-2021 479
“Yuventus” A Seriyasının ikinci turunda, portuqaliyalı ulduz Kriştianu Ronaldusuz ilk oyununda öz evində debütant “Empoli”yə minimal hesabla məğlub olub.
Görüşdə yeganə qolu 21-ci dəqiqədə Leonardo Mankuzo vurub.
Beləliklə, ilk turda “Udineze” ilə 2:2 hesablı heç-heçə edən “Yuve” iki turdan sonra 1 xalla 13-cü pillədə qərarlaşıb.
Xatırladaq ki, Kriştianu Ronaldu “Yuventus”dan “Mançester Yunayted”ə transfer olunub.
