Rotveyler dörd yaşlı uşağı didib öldürdü

08:20 13-02-2020 93

Ukraynanın Xarkov vilayətində rotveyler cinsli it dördyaşlı uşağa hücum edib.

“Kanal 24” xəbər verir ki, uşaq aldığı xəsarətlərdən yerindəcə keçinib.

Ev itinin sahibi nəvəsi ilə gəzintiyə çıxmazdan əvvəl onu bir neçə dəqiqəlik evin həyətində nəzarətsiz buraxıb.

Bu zaman it volyerindən çıxaraq uşağa hücum edib. Hadisə yerinə təcili yardım briqadası gəlsə də, uşağın həyatını xilas etmək mümkün olmayıb.

Uşağın yaxınlarının bildiridiyinə görə rotveylerin üç yaşı var.

Ailə iti təxminən bir ay öncə alıb və bu müddət ərzində rotveyler hansısa aqresiv hərəkət nümayiş etdirməyib.