AVRO-2020: İngiltərə dünya çempionatının qisasını Xorvatiyadan aldı - VİDEO + YENİLƏNİB
D qrupunun ilk matçında İngiltərə Xorvatiyaya qalib gəlib. Bununla da ingilislər üç il əvvəl Rusiyada keçirilmiş dünya çempionatının yarımfinalında onların qarşısını kəsmiş Xorvatiyadan qisasını alıb.
18:18
57-ci dəqiqədə Kalvin Filipsin ötürməsi ilə “Mançester Siti” ilə İngiltərə çempionu olmuş Rahim Sterlinq hesabı açdı. İngiltərə 1:0 qalib gəlir.
18:04
Matçda hazırda ikinci hissə gedir. Hələ ki qolsuzluq davam edir.
17:48
İngiltərə – Xorvatiya oyununda ilk hissədən sonra hesab açılmayıb. Londondakı matç meydan sahiblərinin diqtəsi ilə keçsə də, rəqib qapısına qol vurmaq mümkün olmayıb.
17:01
İngiltərə öz meydanında son dünya çempionatının finalçısı Xorvatiyaya qarşı görüşə başladı.
16:28
Azərbaycanın da ev sahiblərindən biri olduğu AVRO-2020-nin oyunları davam edir.
HerGun.Az xəbər verir ki, bu gün daha üç qarşılaşma baş tutacaq.
Günün ilk oyununda İngiltərə Londonda, məşhur “Uembli” stadionunda Xorvatiyanı qəbul edəcək.
Qrupun iki favoritinin qarşılaşacağı oyunda artıq start heyətləri açıqlanıb.
İngiltərə: Pikford; Uolker, Stons, Minqs, Trippyer; Fillips, Rayz; Sterlinq, Maunt, Foden; Keyn.
Xorvatiya: Livakoviç; Vrsalyko, Vida, Kaleta-Kar, Qvardiol; Brozoviç, Kovaçiç, Modriç; Perisiç, Kramariç, Rebiç
Qeyd edək ki, görüş saat 17:00-da start götürəcək.
