Maşın aşdı, 3 yaşlı uşaq dünyasını dəyişdi
19:00 18-11-2019 405
Qubada yol qəzası faciə ilə nəticələnib.
HerGun.Az-ın bölgə müxbiri xəbər verir ki, hadisə Quba rayonunun İspik kəndində meşəlik ərazidə baş verib.
İdarəetməni itirən VAZ2106 markalı avtomobil yoldan çıxaraq aşıb. Maşında olan azyaşlı 2016-cı il təvəllüdlü Poladov Polad Şaban oğlu ağır xəsarət alıb.
Azyaşlını Quba Mərkəzi rayon Xəstəxanasına çatdırmaq mümkün olmayıb. 3 yaşlı uşaq yolda dünyasını dəyişib.
Faktla bağlı araşdırma aparılır.