Cüdoçularımız Universiadada mübarizəyə qoşulur
11:45 04-07-2019 912
İtaliyanın Neapol şəhərində keçirilən XXX Yay Universiadasında bu gün cüdo yarışlarına start verilir.
HerGun.Az-ın xəbərinə görə, bu gün millimizdən ilk olaraq iki legionerimiz mübarizəyə qoşulacaq.
Bunlar Əliömər Tumayev (-90 kq) və Rüstəm Kotsoyevdir (+90 kq). Dağıstanlı legionerlərimizin rəqibləri müvafiq olaraq çexiyalı Yirji Petr və meksikalı Aleksis Cared de Leon Santyaqodur. Hər iki idmançı mübarizəyə 1/16 finaldan qoşulacaq.
Görüşlər Bakı vaxtı ilə saat 13:00-da başlayacaq.
Qeyd edək ki, Azərbaycan bu Universiadada 18 idmançı ilə təmsil olunur.
Səbuhi Musayev
