Azərbaycanlı pəhləvanlar şousu ilə Rusiyanı heyran etdi - VİDEO

18:50 24-09-2018 47

Rusiyanın birinci kanalının efirində yayımlanan talant şousu “Я могу!”nun (Mən bacararam) bu dəfəki iştirakçıları azərbaycanlı pəhləvanlar Hüseyn Laçın Əbdülhüseynovlar olublar.

HerGun.Az xəbər verir ki, onlar göstərdikləri şou ilə tamaşaçıları təəccübləndiriblər.

“Biz layihəyə ona görə gəldik ki, əsl kişilərin heç nədən qorxmadığını göstərək”, - deyə qardaşlar efirdə bildiriblər.

Proqramın aparıcısı Leonid Yakuboviç söyləyib ki, bundan sonra Əbdülhüseynov qardaşlarını kim görsə, onların ağlına Azərbaycan gələcək:

“Alimlər, müğənnilər, rəssamlar, aktyorlar öz ölkələrini məşhur edir. Ancaq mən əminəm ki, bundan sonra kimsə Azərbaycanın adını çəkəcəksə, o zaman bu iki qardaş ağıllara gələcək, yaxud da bunun əksi baş verəcək”.

Qeyd edək ki, Əbdülhüseynov qardaşları bundan öncə başqa talant yarışmalarında da iştirak edib.