Məşhur reper Silento qətl ittihamı ilə həbs olundu - FOTO
Amerikalı rep ifaçısı Silento (əsl adı Riki El Houk) Corciya ştatında saxlanılıb. O, yaxın qohumu Frederik Ruksun qətlində şübhəli bilinir.
“HaberGlobal”ın məlumatına görə, bu barədə Corciyanın Dekalb rayon Polis mərkəzindən bildirilib.
Today, Ricky Hawk, 23, was arrested for the murder of his cousin Frederick Rooks, 34. On January 21, the DeKalb County Police Department investigated Rooks' death after he was found shot on Deep Shoals Circle. Hawk is in the DeKalb County Jail charged with Murder. #WeAreDKPD pic.twitter.com/AfaA8CtXgx
— DeKalb County Police Department (@DeKalbCountyPD) February 1, 2021
Məlumata görə, 34 yaşlı Ruks yanvarın 21-də Corciyanın Pantersvil şəhərində qan içində tapılıb. O, üzünə və ayağına açılan atəş nəticəsində yerindəcə ölüb.
Hadisə şahidləri polis çağırıblar, müşahidə kameraları bir neçə maşının cinayət yerindən uzaqlaşmasını qeydə alıb.
Polisin 23 yaşlı reperin izinə necə düşdüyü barədə məlumat verilməyib.
Qeyd edək ki, Silento, 2014-cü ildə “Watch Me (Whip / Nae Nae)” adlı ilk sinqlının çıxmasından sonra məşhurlaşmışdı. Mahnının videosu “YouTube”da 1,7 milyarddan çox baxış toplayıb.
