Paşinyan: “Başa düşməliyik ki, Rusiyanın Ermənistan qarşısındakı öhdəlikləri müəyyən bir çərçivəyə sahibdir”
13:40 21-03-2021 525
“Biz sadəcə, uzun müddətdir ki, müxtəlif yollarla Rusiyaya həqiqətə uyğun olmayan öhdəliklər yüklədik”.
“Sputnik-Armeniya” yazır ki, bu sözləri Ermənistanın baş naziri Nikol Paşinyan, Aragatsotn bölgəsindəki Ohanavan sakinləri ilə görüşündə deyib.
Onun sözlərinə görə, Rusiya keçmiş SSRİ-nin özəyi olaraq yalnız Ermənistanla deyil, həm də Azərbaycan da daxil olmaqla digər keçmiş ittifaq respublikaları qarşısında öhdəliklərə malikdir:
“Anlamalıyıq ki, Rusiya Ermənistanın dostu və strateji müttəfiqidir, amma Azərbaycanın düşməni deyil. Və bu müttəfiqlik öhdəliklərinin müəyyən bir çərçivəyə sahib olduğunu başa düşməliyik”.
