Sərbəst güləş üzrə Beyləqan rayon açıq birinciliyi keçirilib
11 iyul 2021-ci il tarixdə Beyləqan rayon Olimpiya İdman Kompleksində rayon Gənclər və İdman İdarəsinin təşkilatçılığı ilə ümummilli lider Heydər Əliyevin birinci dəfə hakimiyyətə gəlməsinin 52-ci ildönümünə həsr olunmuş sərbəst güləş üzrə Beyləqan rayon açıq birinciliyi keçirilib.
Əvvəlcə idmançılar Beyləqan rayon Heydər Əliyev Mərkəzində xalqımızın ümummilli lideri Heydər Əliyevin abidəsi önünə gül-çiçək dəstələri düzərək xatirəsini ehtiramla yad etmişdir.
Sonra güləşçilər Beyləqan rayonunda fəaliyyət göstərən ən müəsir üslubda tikilmiş Olimpiya İdman Kompleksində yarışlara qatılmışlar.
Əvvəlcə Azərbaycan Respublikasının Dövlət Himni səslənmişdir.
Sərbəst güləş üzrə “Əməkdar məşqçi” müəllim Nofəl Hüseynov raport verdi.
Beyləqan rayon Gənclər və İdman İdarəsinin rəis müavini Bakir Həsənov çıxış edərək xalqımızın ümummilli lideri Hehdər Əliyevin həyatı və qurub, yaratdığı müstəqil Azərbaycanın çiçəklənən bir diyara çevrilməsindən söz açdı. Bu gün də möhtərəm Prezidentimiz cənab İlham Əliyevin apardığı uğurlu siyasətdən danışdı. 44 gün davam edən Vətən müharibəsində idmançıların da döyüşlərdə Silahlı Qüvvələrin Ali Baş Komandanı cənab İlham Əliyevin əmri ilə işğalçı ermənilərə qarşı döyüşlərdə göstərdikləri igidliklərdən, qəhrəmanlıqlardan bəhs etdi.
Bildirdi ki, bu zaldan dünya, Avropa, beynəlxalq yarışların qalibləri çıxıb. Sərbəst güləş üzrə Nofəl müəllimin yetirməsi, hazırda bu günkü yarışlara hakimlik edən sərbəst güləş üzrə gənclər arasında dünya üçüncüsü, Avropa ikincisi. Milli güləş üzrə dünya birincisi, Avropa ikincisi, dəfələrlə beynəlxalq yarışların qalibi İsrafilli Bəxtiyar Elman oğlunun, Yunanj Roma güləş növü üzrə “Əməkdar məşqçi” müəllim Kamil Fərzəliyevin yetirməsi dünya beşincisi və beynəlxalq yarışların qalibi Yunisli Toğrul Hidayət oğlunun qazandıqları nailiyyətlərindən danışdı.
Sonra yarışlara start verildi. Gərgin və mübarizə şəraitində keçən yarışlarda birinci yerə Beyləqan güləşçiləri, ikinci yerə Xocavənd pəhləvanları, üçüncü yerə Füzuli güləş məktəbinin yetirmələri çıxaraq diplomlarla mükafatlandırıldı.
Elman İsrafiloğlu
